ـ أمر من المرار وأحلى من العسل وأصغر من الجوزة و أكبر من الجمل . (الزيتون)
ـ صابون صابون في الأرض مدفون . ( البطاطا )
ـ بتدخل المغارة لابسة ، وبتطلع عريانة. "حبة الزيتون عند الأكل "
ـ قد الكبيبة ، له شوارب ، وله هيبة . " كوز الصبر "
ـ هبر هبر مليان إبر إذا ما عرفتوش اسأل عنه أبو عمر . " كوز الصبر "
ـ بنت السلطان لابسة فستان تعض خصرها بترميه . "حبة الترمس "
ـ أجا يبوسها ، قلع ملبوسها . "حبة الترمس "
ـ كعبة للحيوان ورأسه للإنسان . " القمح "
ـ صفرة صفرة ولها قرون . " البامية "
ـ زلمة لابس أخضر ف أخضر . " حبة الكوسا ".
ـ شايب مالو شوارب . "راس الثوم "
ـ لونها أحمر على شكلين شعرها أخضر مالهاش عين . " الجزرة "
ـ قصر فوق قصر وفوقه رايات خضر . " عود القصب "
ـ بزرها على قشرها . " حبة التوت "
ـ بيت فوق بيت ما بيسع وقية زيت . " الفستق "
ـ بيتنا العالي وسكانه تتر ، والقيد قيد الله ومفتاحه حجر. " الجوزة "
ـ لها قرون ومالها عيون . " الموزة "
ـ مفاتيح سيدي تيجي كل الناس ما تاخذها من أيدي . "الحناء "
ـ ياعجب ياعجب ، الكفن حلاوة ، والميت خشب . "حبة البلح "
ـ عزيزتنا شرف الله قدرها ، بتحمل وبتولد من جدايل شعرها . " النخلة "
ـ أول زماني لولو أبيض ، وتاني زماني زمرد أخضر ، وثالث زماني ياقوت أحمر ، فسّر يا أسمر وخذلك ذهب أصفر . "البرتقال "
ـ حبل بيشرب و الحمارة بتنتفخ . " القرع ، اليقطين "