قصة مدرسة مسكوووووووونة

هذه القصة حدثت لي شخصيا وهي واقعيه 100% (والخوافين اللي مالهم قلوب لايقرونها )

تخرجت من الكلية وتم تعيني في مدرسه تبعد عن مدينتي 350كيلوا وتخيلو يوم رحت أول يوم لي في الدراسه وش شكل المدرسه جاي موقعها بين جبال والبيوت اللي حولها ينعدون على الأصابع وشكل الديره عادي نسبيا لأننا في النهار ,,
دخلت المدرسة ولم أجد أحد لامديره ولاطالبات مالقيت غير الحارسه سألتها :صباح الخير ياخاله
صباح النور يابنيتي ,,
أقول ياخاله وين المديره والمدرسات والطالبات ؟؟؟؟؟
المديره يابنيتي ونقلوها وبيجيبون وحده ثانيه أما المدرسات مابه إلا وحده وماداومت والبنات ماجو مدري عنهم ..!!
بس فيه بنات في المدرسة !!
إيه يابنيتي ,,
كم عددهم أقصد هم كثار ؟؟؟
قامت تضحك وكأني قايله نكته جاريتها بالضحكة وعدت السؤال ..؟؟؟
أول شئ يابنيتي قولي ماشاء الله !!!!!
ماشاء الله ليه ؟؟!!!
علشان ماتعينين بناتنا ؟؟!!
وليه أن شاء الله بنات مين هم ؟؟؟؟
ماقصدي يابنيتي أنا أمزح معك هم عددهم 15 طالبه بس وقامت تضحك !!
أنا صرخت :كم !!كم !!وأن شاء الله كلهم في فصل وإلا شلون ؟؟؟
لا يابنيتي موزعينهم (تخيلوا كل فصل بيجي فيه كم )!!
قلت الله يعين ,, المهم وين أصلح أوراقي ومن يرفع مباشرتي ؟؟؟
قالت روحي للإدارة اللي الهجره تابعه لها وصلحل أوراقك هناك ,,
يعطيك العافيه ماقصرتي ياخاله يالله مع السلامه ,,
في أمان الله يابينيتي وأحذروا من الخط تراه شين ,,
إن شاء الله ,,,
رحت للإدارة وصلحت أوراقي وقالوا لي لازم أداوم من بكره قلت لهم :المدرسة مافيها أحد !!
موشغلنا ياأستاذه داومك بدأ من اليوم يعني من بكره لازم تحضرين بالمدرسه !!!
طيب مافي مديره ؟؟؟
المدير جاتنا اليوم وبتحضر بكره ,,
خير إن شاء الله ,,
رتبت أموري وتعاقدت مع نقل يوديني ويجيبني كل يوم من بيتنا إلى المدرسة وهكذا (طبعا مايخفى عليكم المعلمات ونقلهم والأخطار الي نوجهها ..... والستر من عند الله )
رحت للمدرسه واجهت المدريره اللي منصدمه أكثر مني من وضع المدرسه وحضروا الطالبات كانوا ينعدون على الأصابع والمدرسه هادئه بشكل أهدى من بيتنا ,,,على نهاية الأسبوع أكتملنا ,,
مديرة و5مدرسات (وكثير بالنسبه لأبتدائي في هجره )و15طالبه ,,,
كانوافصل أول لحاله وثاني وثالث مع بعض ورابع وخامس مع بعض وسادس لحاله ,,,
مرت الأسابيع الأولى ومافي جديد نصلي الفجر في الطريق والمدرسه على حالها إذا غابت طالبه غابوا الباقين وعلى هذا الحال بس الي كان مريحني الهدوء في الساحه ومن الجبال قريب جدا لدرجة إذا طلعوا من المدرسة يطلعون الجبل يلعبون والأشجار منظر طبيعي ولكن البعد هو الذي مكدر علينا ,,
إستاذه أحلام كم لك سنه في هذه المدرسه ؟؟
صاري سنتين !!!
وماتنقلتي ؟؟
لا والله النقل يبيله واسطه وأنا ياحسره من وين؟؟
أهل هالهجره طيبين يحضرون الأمهات في الحفلات اللي تقيمها المدرسه,,,!!
من يوم ماجيت لهذه المدرسه ما شفت ولا أم طالبة /اللي تقول تعبانه واللي عند الغنم واللي عند الأبل وأعذار ,,,
غرييبه !!!
مر شهر والحال لم يتيغر ...وفي يوم من الأيام كعادتي أشرح عند أحد الفصول وبالتحديد عند ثاني وثالث
سمعت صوتا اا,,أشششششششششششش بدون صوت ؟؟
وش فيه أستاذه ؟؟
مافي شئ بدون صوت قلت؟!!؟؟
سمعته مره أخرى حاولت التركيز أسمع مصدر الصوت قربت من الشباك أختفى !!!
يالله يابنات نكمل ......... وأنا أدور في الفصل والبنات يرددون أششش أسكتوا ..صار يرتفع الصوت ويرتفع ويرتفع ,,,حتى سمعت صراخ حرمه تصارخ لالا صوت حريم يصارخون ...
خير اللهم أجعله خير أكيد المعلمات تهاوشوا مع المديره (كان في إختلاف على الجدول )
كل وحده في مكانها يابنات ,,,سرت لعند الباب فتحته مسرعه وطلعت بوجهي وحده من المعلمات ..
خير إن شاء الله وش الصراخ اللي عندكم ...قالت لي : أي صراخ قلت صراخ الحريم عسى ماتهاوشتوا مع المديره ؟؟؟ لاتهتوشنا ولا شئ إذنك فيها شئ ؟؟أنهبلت من كلامها أنا سامعه الصراخ بأذني والله ,,لا صراخ ولا يحزنون والمعلمات كل وحده في حصتها والمديره في متبها رحت أتأكد اقيت كللامها صحيح ...رجعت والوسواس تلعب راسي ..
يله يابنات كملوا ,,أستاذه:نعم وش تبغين ؟؟
إستاذه إحنا سمعنا الصراخ اللي من شوي !!؟؟ أنفجعت الطالبات سمعوه والمعلمات لا ؟
قلت أي صراخ مافي صراخ ولا خرلبيط ...
بس حنا سمعناه ياأستاذه ؟؟؟!!!!شكيت وسويت نفسي ماسمعتهم وكملت الدرس ..والطالبات كل وحده تطالع الثانيه من موقفي ....
طلعت من الفصل وكانت أخر حصه لي في ذاك اليوم المشؤم ,,,ياربي أنا أتوهم وإلا لا ؟؟؟ بس والله سمعت الصراخ بأذني وش لون ذي تقول ماسمعنا شئ ,,بس لحظه البنات يقولون أنهم سمعوا!!!
نعم يا أستاذه !!
أنتي اليوم قلتي لي أنك سمعتي صراخ صح ياساره ,
ساره : أيه ياأستاذه والله سمعنا تبغين أنادي البنات اللي سمعو معي اليوم ..
لا لا بس وش سمعتي ...
ساره: هذه مهب أول مره نسمع فيها هذا الصراخ ..
إيش وش قلتي كيف يعيني فهميني ؟؟؟
ساره :كل يوم نسمع صراخ حريم والله صراخ مع بكاء !!(الطالبه بان عليها الخوف )
لا لا مافي شي وبعدين يمكن صوت الهواء لا لا تخافين مافي شئ أصلا لو في شئ كان ماأحد درس صح ؟
ساره :ياستاذه البنات يقولون أنهم جنون وحتى إذا صرنا نلعب بالساحه أحد يرمينا بالحجر دايم !!!
هنا أنا دخلني شك أو وسواس والله مدري بس حسيت بخوف ماحسيته بحياتي ..



في البيت قعدت أفكرر ياربي وش أسوي ..أقو لللمدرسات أخاف يضحكون علي أو يقولون تصدق كلام البنات ,,بزر ,,, أوووووه وش ذاالأفكار تعوذي بالله وقومي حضري أحسن ..

واليوم الثاني دخلت المدرسه والحارسه تهاوش ودعي وتقول الله ياخذ ذالبنات الله ياخذهم
خير ياخاله يالله صباح خير وش ذالدعاء مع الصبح ؟؟
يابنيتي البنات أمس تركوا الماء حق الحنفيات ماسكروه واللمبات ماطفوها ,,
بس ياخاله أبله ريم عليها المناوبه ,اخر من طلع أنا وياها لأننا في نفس النقل وماخلينا شئ إلا وسكرناه !!
بس يابنيتي اليوم لقيت كل شئ يشتغل (ونزلت راسها وتعوذت من الشيطان وقامت تسمي وتقرا )
ليش ياخاله فيه شئ ,,شايفه سكني وتسمين منه ؟؟.
يابنيتي المدرسه ذي مهب صاحيه فيها شئ والله ؟؟
مثل إيش ياخاله قولي لي !
هااااااااااه لا لا ما في شئ ولا قلت لك شئ خلاص يابنيتي مابي المشاكل !
ياخاله تعالي وين رحتي قولي والله ماأقول لأحد والله ؟؟
راحت الخاله من عندي وهي رافضه تقول لي ,,هنا دريت أن فيه شئ أكيد فيه شئ

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,

ريم :أشوفك شايله هموم الدنيا فوق راسك خير أنشاء الله ,
لا والله بس في شئ محيرني وخوفني في نفس الوقت ,,,(وقلت لها على كل السالفه )
ريم :يابنت الحلا تعوذي من الشيطان وسواويس والشيطان ملعون يشكك بالأنسان قومي لس عندنا حصه ,,
قبل ماندخل صارت تعلق علي وتقول تخيلي نصير مثل فيلم نيكون كيدمان ويومها جنيه ماتدري هههههها
دفيتها قدام وهي بتموت من الضحك علي وتقول (ياشين الذل شيناه ) مصيرك راح تسمعين اللي سمعته


دخلت على رابع وخامس ,,,,السلام عليكم ورحمة الله وبركاته ,,,,,,
وعليكم السلام ورحمة الله وبركاته شررررررررررررفتينا ونوررررررررر بس بس ماصارت طلعوا اللي عليكم ,,
أســــــــــــــــــــــــــــــــــــــــــــــــ ـــــــــــتاذه
خير أن شاء الله ترى أنا هنا مهب على راس الجبل اللي جنبنا ,,,

أستاذه يقولون ثاني وثالث أنهم سمعوا صراخ أمس صح أنها جنون أستاذه ؟؟؟؟
ياربي ليه مكتوب علي الشقاء :مافي لا جنون ولا خرابيط كل وحده تحط راسها في الكتاب وهي ساكته
بس ياأستاذه حنا بعد نسمع !!!!!!!!!!!!!!!!!!!!!!!!!!
إيش وش تسمعون أنتوا بعد أحد يغني ولا يسولف أكذبوا بعد علي ,
لا يستاذه حنا والله نسمع صوت الحريم اللي يصارخون وصوت أحد يبكي ؟؟؟؟؟
أقول اللي ماتسكت ترى بطلعها برا تفهمون ترى مانيب بزر تلعبون علي (وانا والله بموت من الخوف بعد هذا الفصل يقول نفس الكلام يارب أرحمني )

طرررررررررررررررررررررررررررررررااااااااااااخخخخخخ خخخخخخخخخخ بالباب

,انتوا من اللي .... يؤ يؤ أنتي اللي عليهم
خير ياريم أحد يدخل كذا ؟؟؟ وش عندك ؟؟؟نادتني وطلعت برا
ريم :طيب من اللي يصارخ من شوي ها أشش سمعتي سمعتي وأنا اللي أتمسك فيها وصرت أنا وياها نسمع الصراخ (صراخ حريم والله )
يمممممممممممممممممممممممممممممه مانيب جالسه بروح
ريم :مهبوله سمي بالرحمن والطالبات وش تقولين عليهم سمي سمي ,,(وريم وجها صار أصفر من الخوف )
صدقتيني اللحين أنا ما أكذب ,,
خلا ص أدخل كملي حصتك وبعدين فيها ألف حلال
رجعت للبنات وجهي كأنه كركم ,,
أستاذه وش فيه ؟؟؟
أنتي وش دخلك خلك في الدرس أحسن
صح سمعتوا الصوت ياأستاذه خلاص حنا تعودنا عليه لا تخافين ياأستاذه هم مايؤذون اللي مايأذيهم
إذا ماسكتي باأطلعك بره تفهمين,,,(ياربي وش أسوي الحين صوت لو طلعت لي صوره بتجيني جلطه وأموت )
يتبع